الثلاثاء، 10 يناير 2012

هكذا تكون القرود....وهكذا نعيش

مجموعة من العلماء و ضعوا 5 قرود في قفص واحد

و في وسط القفص يوجد سلم و في أعلى السلم هناك بعض الموز

في كل مرة يطلع أحد القرود لأخذ الموز يرش العلماء باقي القرود بالماء البارد

بعد فترة بسيطة أصبح كل قرد يطلع لأخذ الموز, يقوم الباقين بمنعه

و ضربه حتى لا يرشوا بالماء البارد

بعد مدة من الوقت لم يجرؤ أي قرد على صعود السلم لأخذ الموز على الرغم من كل الإغراءات خوفا من الضرب

بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد

فأول شيء يقوم به القرد الجديد أنه يصعد السلم ليأخذ الموز

ولكن فورا الأربعة الباقين يضربونه و يجبرونه على النزول

بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب

قام العلماء أيضا بتبديل أحد القرود القدامى بقرد جديد

و حل به ما حل بالقرد البديل الأول حتى أن القرد البديل الأول شارك زملائه بالضرب و هو لايدري لماذا يضرب

و هكذا حتى تم تبديل جميع القرود الخمسة الأوائل بقرود جديدة

حتى صار في القفص خمسة قرود لم يرش عليهم ماء بارد أبدا

و مع ذلك يضربون أي قرد تسول له نفسه صعود السلم بدون أن يعرفوا ما السبب

نترك تلك القردة لتتكاثر وبعد عدة اجيال اصبح لدينا قرودا ولدت في القفص مرسخ في طباعها

عقيدة: حرمانية الصعود للسلم

طقس:ضرب اي قرد تسول له نفسه بالصعود للسلم





نتسائل الان ونطرح حالات جديدة مختلفة

يتم تقليل حجم الطعام المقدم للقرود بالطريقة التالية

مثلا لدينا خمس قرود يقدم لكل قرد في اليوم 10 حبات من الموز ويتم التقليل الي ان يصل بكل قرد الي موزة واحدة

- الان نقدم 4 حبات من الموز اي ان قردا لن يحصل علي طعامه اليومي القليل

ومع هذا لا يحاول ان يصعد للسلم ليأكل وان حاول يضربه الاخرون

- نقدم للقرود الخمسة موزة واحدة صراع قاتل الان علي تلك الموزة رغم وجود الكثير منه فوقهم

وان جرأ احدهم وحاول الصعود ضربوه





الان لا موز لا طعام -الصراع بين البقاء والتقليد والعادة المرسخة

السيناريوهات المتوقعة__للنقاش

* تموت جميع القردة من الجوع حفاظا علي التقاليد

*يظهر قرد الان يرغب في الطعام ويفضل البقاء علي التقاليد يتم ضربه حتي يموت القردة تستميت من اجل الحفاظ علي التقاليد





اذا تركنا قردا واحدا فقط من المولودين بالقفص الذي يحرم الصعود للسلم وقمنا بتجويعه مـــــــــــــــاذا يفعل؟

يموت حفاظا علي التقاليد

يصعد ويأكل الموز في رضا





الخمسة قرود الذين لا يصعدون السلم نقوم الان بفتح باب القفص ونصنع ما فعلناه معهم بالرش بالماء اذا حاول احدهم الخروج ونبدل فيهم ليصبح لدينا الان قرودا لا تصعد السلم ولا تخرج من القفص وسيضربون اي قرد تسول له نفسه الخروج والحرية في صراع للحفاظ علي الاسر والعبودية



الان ماذا يحدث لو قمنا بتجويعهم؟

ماذا يحدث لو قمنا باغراق القفص ببطء ليصبح امامهم حلا من اثنين للبقاء اما الخروج من القفص واما صعود السلم؟

ماذا سيصنع القرد الوحيد؟





الامر هنا اصبح مختلفا انها الحرية

هل لو اخذنا قردا اثناء نومه من القفص واخرجناه سيسرع بالعودة ام سيعتبر القفص منطقة مخيفه







والســـــــــــؤال الأكبر هنا هل نحن قرودا في حياتنا ام اننا مختلفين؟

الاثنين، 27 يونيو 2011

غارة انتهــــــــــــــــــــاك

ســـأسب ألهه الحمقي تحت شمسي الأبدية التي لا تغيب أبدا

تخيل رجلا وسيما مهندما يرتدي بدلة شيك أوي وغاليه أوي فيدخل مطعما نظيفا يبدو عليه انه فاحش الرفاهية لا يدخله الا اعلي الطبقات فيجلس الرجل علي طاولة نظيفة جدا وجامدة أوي فيأتي له نادل (ويتر يعني) انضف منه لدرجة تتصور انه ملكا فيقدم له علي طبقا فضيا وبمعالق وأشواك ذهبيه خبزا عفنا فيأكله بطبيعيه بشوكته وسكينه الذهبيتين

مات الدونجوان حين أختار الأنتقال الي هذا الزمن وضاجع امرأة بطريقة أبناء زمنه فركض نحوه شخصا يطعنه صارخا
نــــــــحن في زمن السحاق فقد ماتت الرجال

أرجوك مش عايز أتعلم.....شكرا

اااااااااااااااااااااه بعد في عيالي
 هكذا يبرر المدرس لنفسه موقفة وهو يأخذ من التلميذ تمن الحصة

وأروح علي صورتك اخدها واروح دايس عليها ومكسرها
وهكذا يتخيل التلميذ نفسه اثناء الحصة

المدرس هو الجلاد التلميذ هو المصلوب  هكذا انظر منذ نعومه اظافري لذلك الشخص الذي يقف اماميا مدعيا انه معلم حيث تشوب العمليه التعليميه غباءا مطلقا هو ماله المنهج البحثي  او اي منهج مفيهوش الكائن ده اللي بيكرهنا نبص في كتاب
في ندوة عن التعليم  يقول مارك لطفي(اتحول اثناء الامتحانات الي انسان مقيت واتخيل نفسي افجر المدرسة بمن فيها) يااااااااااه كلنا هذا الرجل يا مارك
اصل المجتمع كمان عنده تخيلات غريبه
العصا لمن عصي
ومش المدرس بس اللي في الفصل هو اللي كده
وانا صغير وبما ان ابويا شيخ مسجد ومتخرج من معهد اعداد الدعاه  كان عندي بعض المعلومات الدينيه
وانا عندي سبع سنين يقولي صلي بدل ما اضربك....اروح علي طول مستشهد بحديث  واضربوهم علي عشر
تخيلو بقي ليلة عيدميلادي العاشر كانت عامله ازاي
وطبعا بعد اختفاء العصايه انا مش فاكر اخر مرة صليت كانت امتي

وانا في اولي اعدادي كنت بكتب شعر واطلع اقوله في الاذاعة تقريبا بانتظام فمدرس العربي في ذات يوم ملقانيش حافظ النص  واذا به يصفعني علي وجهي بغل  ...يا شاعر مصر القديمة

غير كده بقي قابل يا عم  كمية الملل اللي في الحصة لا يتوقف المعلم عن الرغي  بيرمي حمولة ولا بيعمل ايه انا مش فاهم

طبعا في خلال العملية التعليميه وخصوصا في الثانوي يتحول مدرس المدرسة اللي حتقدر عليه الي العروسة اللي بتضرب فيها مخرجا الكبت اللي عندك وطبعا مدرس الدرس الخصوصي ما بيعتقكش
ده لو مبيضربكش كفاية حصة التلات ساعات دي يا لهوي   مااااله الجهل ماهو زي الفل

من كام يوم دخلي عيل صغير
انا عايز العب عالمغلوب مين يلاعبني  فتطوع صديقي
يقول الولد
الحمد لله اني متعلمتش انا لو اتعلمت كنت بوظت
ليه يا بني
المدرس يرمي الورجه عالأرض ويقولي جيبها  رحت قايله -- امك
خدام عنده انا اديني بشتغل علي ونش وباخد 75 جنيه
بتشتغل ايه عالونش
ونااااش
انت منين بقي
انا فلااااااح
ايه رأيك في الاسكندرانيه
بيسمو  الحاجات حاجات غريبه يعني اجول للوله عايز كومبيوووتر  يجولي سايبر   سايبر ايه انا عايز كومبيوتر وراح موديني عند واحد بيبيع اجهزة انا عايز العب كومبيوتر مش سايبر
ولا يقولك علي اللانش بجي

طب ده ضحية ايه ومين

بعد فترة كبيرة اوي من قضاء الوقت في العملية التعليميه  انا لم أستفيد اي شئ من اي شخص قائم علي العملية التعليمية
اللي كنت ببقي عايز اعرفة كنت بعرفة ومبنساهوش  ...يعني منهج بحثي

كنت اعتقد ان هذا انتهي  بمجرد انتهاء الثانوية العامة لكن الجحيم لا ينتهي

الأربعاء، 22 يونيو 2011

رأيت العفة وطالما رأيت العهر

21/6/2011
في حوالي التاسعة في محطة الرمل
بعد ندوة في أتيليه الاسكندرية (زمرة الصالون الثقافي) روحت اجيب أكل من عند الفلاح وقع مني رغيف بصيت للارض لقيتها نضيفة مسحته وكلته وافتكرت رجل في صباح اليوم ذاته عندما سقطت منه سيجارة فلم يلتقطها وأشعل غيرها وتذكرت نفسي بأشمئزاز وانا احرق النقود
وبينما أسير وجدت بجانب صندوق القمامة فتاة في حوالي ال16 متفجرة الأنوثة ترتدي حجاب أزرق وبلوزة زرقاء وجيبه ويبدو عليها الجمال يقف بجانبها في حوالي ال11 فتي نحيل يبدو عليه القذارةيمسك بكوب من عند كنتاكي يشرب منه وتمسك الفتاة بكرتونة عليها مش عارف ده بس يعني شكله أكل كتاكيت او حاجة مقرفة كدة قلت أكيد حترميهم
ايه ده! فعلا فزعت حينما وجدتها تخرج من القمامة وتضع في فمها
زاد هلعي لما عاكسها واحد من اللي معديين بالعربيات.....ايه يا بت 200 بدل القرف ده...
فقال له الفتي حرام عليك أنت مش شايفها بتاكل من الزبالة

لماذا اخترت الصيع وبعدت عن الكلاب

on Thursday, 31 March 2011 at 23:22
كل يوم وانا مروح بعد ما اقفل محل البلايستيشن اللي حيلتي اللي بيدخلي مبالغ طائلة جدا وبفكر جديا اعمل سد علي اي ترعة عشان اوفر طاقة مجانية لامداد المحل بها وبما ان مفيش ماية في المحل لان الحكومة قررت ان ميبقاش عندنا ماية فناخد ماية من الترعة دي برده وبما ان مفيش ترع في ميامي احترت اعمل ايه وتخيلو حجم المشكلة   مفيييش ترع في ميامي  ماعلينا نرجع لموضعنا  بعد ما قفلت المحل دلوقتي حروح في حدود الساعة من 1 -3 علي حسب الشغل اللي مقطع بعضه وعلي اساس كده بيبقي ادامي طريقين الطريق الاول مباشر قصير ويضع اصحاب لمحلات بعدما يغلقون كمية من كلاب الشوارع بكمية تعتقد ان الكلاب قد قامو بثورة للعدالة الكلابية ومساوتهم بكلاب بره وكلاب البشوات وينبحون في اوركسترا عنيفة ترج قلبك حماية فل يعني  اعتي البلطجية مش حيعدو من الشارع
الطريق التاني  يدور من شارع 63 للخروج علي هدي الاسلام بعد منطقة الكلاب والشارع ده ضلمه كحل وكل اسبوع يتقتل فيه حد اتثبت اتسرق ايا ماكان والشارع ماشاء الله مليان بلطجية لتعتقد ان البشر كلهم بلطجية والمخدرات بتتوزع ببلاش ويجب عليك انك تنفعه
ويكون علي الاختيار كل يوم   البلطجية ولا الكلاب ودايما كنت بختار البلطجية ليه بقي

البلطجي ممكن اتفاهم معاه  اما الكلب فهو حيعضك حيعضك البطجي ممكن تقوله خد الموبايل والفلوس وثواني حجيبلك فلوس من البيت اما الكلب المسعور الجميل فقد احتقن عضبه واطلق سبابه ونباحه علي بنو البشر الاوغاد واطفال الشوارع اللي بتعذبهم وتربطهم من ذيولهم فتري الكلب يراك من بعيد فيقف ليعلن ناقوس النذير بني ادم هجوووووووووم

اقتلني في صمت لكن لا تعضني وتنبح
البلطجي لو غضب عليك حيموتك ماشي يا عم اديك مت شهيد باعتبار انك حتدافع عن نفسك اما الكلب فيعضك كام عضه بعد ما يهريك هوهوه ويوقع قلبك وتبقي ماشي الناس كلها تقولك يالله ياللي عضك كلب

الحل في مواجهه الكلاب والبلطجية
اتجه معظم الشباب الي شراء الكلاب وفعلا طرح علي احد الاصدقاء الفكره  وبما اني بحب الكلاب موووت موووت ومقدرش اتخيل حياتي من غيرهم   تخيلت نفسي ممسكا بكلب من السلسلة بتاعتة وهو يركض ورائي وانا ماسك سلسلتة يا نهار طيب حوديه فين
طب لا انا حجيب كلب رضيع واربيه لغاية ما يكبر فيلاقيني صاحبه افتكرت قلب ضخم رباه احد اصدقائي من فترة اقتناعا بهذه الفكره فكان كلب بقلب فأر يخشي القطه او يزن انه برص او برغوت ياااااااااااااااااااااه ايه الحل

\فييين الجيش فين الامن   اللي عنده حل يتكرم بالطرح

عودة البت اللي طالعة من أولي ابتدائي

on Saturday, 23 April 2011 at 02:18
انا يوسف عبدالرحمن  عندي محل بلاي ستيشن وواقف فيه
قبل العيد الأضحي اللي فات بكام يوم كده دخلت المحل (بلاي ستيشن) تسأل علي اخوها الصغير اللي بيلعب عندنا  كام ساعة في اليوم ومنفعنا جامد أوي  وكانت البت بسم الله ماشاء الله جميلة حسناء بيضاء وجسم ايه يا ولا من الأخر مكنة يعني  واخذت تبتسم وكل شوية تعدي من ادامي وتسلم وتضحك وشوية راحت جابت اختها معاها اختها وقعت بقي متنحة تتنيحة ايه المهم اتكلم مع البت  اللي هي اليبضاء المكنة اكتشف انها طالعة من اولي ابتدائي وعندها 16 سنة  وبسم الله ماشاء الله غباء الدنيا فيها  بعدها بيومين لقيت رسالة مبعوتالي انا بحبك  وقتها كنت راجع من المحل بالليل تعبان اوي ونمت بصيت في الموبايل قريت الرسالة وكملت نوم شوية لقيت التليفون بيرن رحت رديت اصلي مكنتش لسه نمت الو
الو
مين معايا
انا واحدة معجبة
ايوه مين يعني
يعني مش عارف
ايوه مين انتي انا عايز انام
(فعلا والله مكنتش فايق يومها وكنت مهري شغل)
انا وراحت قايلالي اسمها قلتلها طيب ابقي كلميني بكره لما اصحي ورحت نايم وقعدت افكر في المزة البيضاء واللي حعمله فيها ويلا جاهله جاهله هي فارقة ماكلها زي بعضها
صحيت تاني يوم شوية وراحت مكلماني ازيك انا حبيتك اول ما شوفتك عارف انا شغل المراهقات ده المهم يااااااااااه اخيرا لقيتك انتي وانتي البت راحت في الكازوزة يا معلم خلاص واتفقت معاها اقابلها تالت يوم العيد في المنشية عالساعة 1 الصبح
صحيت الساعة 3 بعد ما التليفون كفر من كتر الرن رحت رديت عليها طيب انا نازل اهو  ونزلت وعند الجندي المجهول  رحت مكلمها
انا عند الجندي المجهول انتي فين
انا واقفة اهو
ببص كده لقيت اختها الشنفة(شنفة:كائن غريبب هلامي غير منطقي) اخ ازاي مركزتش اوبااااا
شافتني واتجهت نحوي تسير معها فتاة قصيرة بدينة يبدو عليها الحول والغباء المطلق تمسك ساندوتش بقوة وكأنه سيهرب منها
سلمت عليه وراحت قايلالي بدلع
كل ده سايبني واقفة لوحدي عند الجندي المجهوود
نعم الجندي المجهود ايه اللي انا عملته في نفسي ده
بعد ما اخدت الصدمه البت اللي كلمتها مش هي اللي جت وكمان جايبه واحدة قصيرة صغيرة  تتخذ الموقف العدائي تجاه كل البشر وتتريق عليهم بلهجتها الغريبة اللي تستخلص منها 3 او 4 حروف  وكأنها انثي الشمبانزي اللي سكرت فتخيلت الناس كلهم موز
اوف اعمل ايه شعرت بالضيق والاختناق وكأن ملك الموت يقف بجانبي منتظرا ان اقضي بعض الوقت السعييييد ليقبض روحي فاستنفذت وقتي في الأكتئاب
تقدمت الفتاة الصغيره نحوي واخرجت اصوات من فمها تبينت بعد ذلك انها تقول
انت حتيجي تخطبها امتي
تمنيت حينها ان اكون من هؤلاء الذين يفقدون الذاكرة
حنروح فين يا حبيبي قالتها وهي تعوج رأسها للأعلي ناظرة لي
كنت قد رتبت أشياءا انتهت بمجرد الاصطدام بما لم أتوقعه
قررت حينها ان اذهب بها في مكان لا يراني فيه احد فذهبت الي احد الكافيهات المحترمه ولما وصلنا معجبهاش وقالتلي انا عايزة اروح سيلما
اقنعتها ان نذهب لعرض مسرحي  مش عارف ليه اتجننت وقلتلها كده وتخيلو حالتي النفسيه في خلال الوقت الذي اقضيه بصحبتها
روحنا العرض شوية وبدأ  وطلع الممثلين وكانت بداية العرض بيزعقو
نظرت لي الفتاة الصغيرة واخرجت اصوات من فمها فهمت انها تقول  هما مالهم
اعدت افهمها ان ده مسرح وانهم بيمثلو مفهمتش قلتلها ده فيلم
وطلعت اشرب سيجارة هربا منها وحرقت العلبة بحالها ورحت داخل جايبها  وقلتلها يلا عشان اروحك
قالتلي طيب عايزة اجيب حاجة من عند البقال وديتها هناك جابتلي كنزات وشيبسي وكمية اكل علي اساس اني بقالي سنة جعان وهربان من مجاعة   يا زفتة مش عايزة يا بت ازهقي بقي
لا ما انت لو مخدتش يبقي مش بتحبني لقيتها حتفضني
قولتلها يلا طيب يلا يلا مشيت معايا وروحنا نركب

في المشروع
احنا عايزين نروح الراس السودا عشان حنزور عمي الكني لسه طالع من السجن
ايه من السجن
اااااااااااه احنا نص العيله عندنا في السجن
اصل ابوها حد  عنده عربيه جيب وسكير وخمورجي وشكله بيتاجر في حاجات غريبة
اخذت ادعو الله في سري ان يخرجني من هذا المأزق
رن تليفونها كان قريبها سألها انتي فين فسألتني
اجبتها جليم
فنظرت لي بثقة
جليم بلازا
اخذت ألعن نفسي بكل الشتائم الانجليزية التي اعرفها
الحمد لله روحتها

نسيت اقولكم وقتها كان شعري طويل وكنت بربطة بتوكة
جت ام الواد تاني يوم وقد اخبرتها انني عزمتها علي سينما وأكلتها
وعلي هذا الاساس قررت العائلة الكريمة بكل ما فيها من شمحطجية انهم يجو يكسرولي المحل ويعلقوني لكنها انقذت الموقف
توجهت الي الحلاق فأزلت شعري كاملا   عالزيرو يا معلم وتوقفت عن الذهاب الي المحل

بعد عده ايام يرن الهاتف فاجيب طلعت المزة البيضا ولما لقيت اختها كلمتني وانا تجاوبت علي اساس كلام اختها تركتنا
وكنت قد قررت حينها ان اتنكر عن هذه العائلة علي اساس ابعد عن الشر وغنيله

منذ اسبوعين
25 رسالة فاضيه
لقد عادت ثانية وواخده الشارع رايحه جايه تنظر لي في نظرة اعرف مغزاها  وربنا يستر

الاثنين، 20 يونيو 2011

مسرحية __أسم تايه___

اســـــم تــــــــايه
announumous

تأليف

يوسف عبدالرحمن

اســـم تـــــايه

الرابط:   مخرومة(بصوت عال).....مخرومة
المربوط:هي ايه دي اللي مخرومة.    (مربوط بقدمة حبل طويل)
الرابط:  متخليك في حالك
العاهرة:  متقولة يا اخي ريحه.
الرابط:   هو اللي عبيط مش فاهم.
رجل الاقاليم:دبحوا ولدي وسط التراب..الواد صغير كان بيعيط ويفرفر.. مرحمهوش
                ولاد الكلب...الناس كلها كانت بتتفرج...العجيب انهم كانو مبسوطين.
رومانسية:اكيد انت السبب....انت اللي قتلته.
رجل اقاليم:رميت ولدي في بحر الدم...بس اديته عوامه..مماتش بس ريحه الدم لزقت
              فيه.
العاهرة:   لزقت فيه...طب كنت ناديني وانا اشيلهاله.
رجل الاقاليم: اقدارنا...مختومة علي جبينا ومنعرفش نمسحها.
مجهول:   لا في رب ولا في شيطان...والقدر خدعة.
الرابط:  انت مش مؤمن بربنا.
مجهول: انا مؤمن بنفسي جدا...وانتم كمان لازم تؤمنو بنفسكم بس.
الرابط: انت كافر وعقوبتك الموت.
المربوط: نصلبه والغراب ياكل لحمه.
رومانسيه: ندق وتد في قلبه.
العاهرة: لا...لا...احنا نقطعله اطرافة...نعميه ونخرسة..ونسيبة لنفسة يمكن تنفعه.
مجهول: اي الحالتين احقر...قتل الانسان ام تعذيبة وتركه يعيش...انتم روث...انا لا
            اموت.
رجل الاقاليم:لا تموت...ليه يا روح خالو..اله انت.
المربوط:   ما بتموتش...طب حنشوف.
مجهول:   انا خوفكم يا ولاد الجبانة.
رجل الاقاليم: وعشق غالي علي الهوي..من دوبتي فيه..قتلت ناس...وروحي تلمه
                  سكينة بايرة ..دايرة تايهه وسط الغيلان
-1-
مجهول:ما ترد عليه اللي بيعملي كده وكده...المحاكم البيضا.
مربوط:  علي شط الحياة.....جمعت احلامي ....وحطتها طعم في سنارة واصطدت
           اوهامي...اوهامي يا ولاد الكلب.
الرابط:انت عبيط يا روح امك..انت عارف ايه اللي بتقولة ده..طيب انا حوريك.(يتجه
          اليه وباسلوب حركي يربطه ليدل علي سيطرته عليه واثناء ذلك)
المربوط:لا شافتني ولا شفتها......يمكن كانت موجوده.....انا كنت حاسس بيها....ده
            صوتها ولا انا بتخيل...سيبوني...سيبني يا اخي حروحلها..هي فين..دموعي
            سخنة وبتلسع الناس.........ااااه. (اثنا ذلك تلتصق الرومانسية والعاهرة من
            الخلف.........يرقص المجهول رقصا يميل الي الجنون ويخلع رجل الاقاليم
            شيئا من ملابسة ويقف عليه ويصرخ)
الرومانسية:ب....بحبـــــــــــــك.
العاهرة:بس الحب خدعة.
الرومانسية:حبيــــــــــبي.
العاهرة:اكلي ولما اشبع حرميه.
الرومانسية:مستنياك.
العاهرة:حقتلك...حقتلك....حقتلك...حقتلك...(تسقط الرومانسية علي الارض ومازالت
          العاهرة تصرخ..ورجل الاقاليم هامنج ويدور المجهول وهو يضحك ويركض
          المربوط نحو الرومانسية فيمسك الرابط الحبل فيقع ويسحبة واثناء ذلك)
مربوط:الشيخ ياسين مات...اتقتل...اتقتل يا ولاد....ااااه....نفرتيتييييييي.
مجهول: رع و امون...نااااارمر...(يصمت الجميع)هل سمعتم عن اسطورة منقوشة
           علي ورق مدعم.
الرابط:ما بسمعش الا اللي عايز اسمعة.
مجهول:هأهأ...يا سلام وسمعت ايه بقي.
الرابط:ماسمعتش بس شوفت...شوفت جمل ماش علي البحر ووراه شويه بط...كان
         فيهم بطه سودا.
المجهول:انت غبي..لاوايه..عبيط كمان.
الرابط:حربطك زيه يا روح امك.
مجهول:انا قوة موحدة لا شئ بوسعه ردعي.
عاهرة:ايه يالة..انت فاكر نفسك جان.
-2-
رجل الاقاليم:جان..اعوذ بالله...جني ...عفريت....شيطان.
                تبدأ الشخصيات في السقوط والترنح ما عدا المجهول الذي يضحك
                 بهستريا شديدة الانفعال                                      
مجهول:     مات الاله...والشيطان اصبح طليق....ومفيش رحمة...كلنا في الجحيم.
رومانسية: (تقوم وتصرخ)...صلو...صلو...صلو عشان يسيبنا.
مربوط:     صلو...انا حصلي.
الرابط:(يجذبه من الحبل) تصلي...تصلي للي مجوعك...ده انت تبقي عبيط.
رجل الاقاليم:انا بامبوطي شاطر.....كل يوم بنزل مع ابني الفجر القط رزقي......لكن
                البلديه معجبهاش ده....رموني في الحجز عشان بأكل عيالي بالحلال.
مربوط:من يوم الالفيه القديمة والبحر تايه طحينة والرزق غايب والشط ماله مدينة.
العاهرة:وانا صغيرة   بابا كان بيحميني..كنت كل مرة بعيط.....لما كبرت الناس كلهم
           بقو يغتصبوني...فتحت مخي وبقيت فله...ومغايه غله.
الرابط:يا بنت الكلب ترابك نجس.
مربوط:ومرسي ضايع..والمركب ماهي سفينة........والشراع ابيض مرقع غرقان ميه
          بليلة.
مجهول:كل ما حد يسألني انت مين...ابص في عينه واقوله اللي عايز يعرفه(يتجه الي
           العاهرة ويمسكها من الخلف بقوةوهويصرخ في اذنها بصوت مبحوح)
           جنس..رغبة ....مال.
رومانسية:(تركض نحو المربوط اثناء تكرار المجهول كلماته وعند تحدثها يتوقف
              وتسقط العاهرة)لازم تروح لابوك.لازم(تجذبه ويتجهان الي رجل الاقاليم)
المربوط:    ابويا
رجل الاقاليم:انت مش ابني....انت لقيط...انا معنديش اولاد....اااه بطني مليانة عضم.
الرابط:    احنا ألات اتصنعت ولما باظت اترمت في الزبالة
رومانسية والمربوط: احنا فين...انتم مين(يحضنان بعضهما البعض فيرقهم الجميع
                            بقسوة)احنا فين
مجهول:انت مش عارف احنا فين (ينظر الي الباقين ويضحكون...يتركاهما ..يقتربان
          من بعض ويلتصقان من الخلف فاردين زراعيهما ويدور الجميع حولهما)
الجميع:في البحر سمكة...سمكة...علي الشط واقف صياد بشبكة.
مجهول:والسمكة مش شايفة عشان كدة مش خايفة...والسنارة تلم.
-3-
           (يخرج الرابط من وسطهم فجأة...صارخا صراخ طفل)                     
الرابط:با...با...بابا
رجل الاقاليم:ع خ د..والفرخة لابسة عقال..ج أ م...والميت شلاضيمة كبرت لما مات.
العاهرة:انت مين امك يا حبيبي.
الرابط:ما...ماما...ماما انتي....لا....ماما مصر
العاهرة:انت حتروح المدرسة...عايز تطلع ايه لما تكبر
الرابط: (خرج من الحالة)لا عايز اطلع مهندس ولا دكتور....انا عايز اطلع سليم.
مربوط:ولعبة الشتا...علي الارض الميتة...امل مسكوب.
رومانسية:حد فيكم فاكر الدرة...الدرة مات شهيد...الدرة طفل.
مجهول:ارحام تدفع وارض تبلع...مونجوس سحل هيباتيا استاذة الزمان...باسم الدين.
مربوط:قالو الحب عذاب...والعشق غايب مهما كان والشوق بريده موت.
العاهرة:لا عارفة انا فين....لا عارفة انامين....لا عارفة جرحي مين حيداوية.
الرومانسية:مغلولة...الحرب علي كلب الجحيم(تتجه نحو مجهول وتحاول ان تضربه
                فتفشل حتي في لمسة)....انت مين.
مربوط: (يركض نحو رومانسية) انا روميو يا جوليت نسيتي ولا ايه
           (يتجه رجل الاقاليم نحو المربوط ويدفعه ثم ينظر الي المجهول في عمق)             
رجل الاقاليم:متقلهم انت مين ولا خايف ليعضوك.
مجهول: (بعد برهه من الصمت والنظر بعمق في عينيه)انا ألهكم جئت اتسلي بينكم.
الرابط: انت مين.
مجهول:انا ستالين اللي هزم هتلر وخلاه ينتحر...انا اللي قتلت جنرالاتي يوم ما
           مسكت الحكم.
عاهرة:انت مين
مجهول: (يضحك ضحكة رقيعة)الجنس ناداني وانا لازم البي...(يتجه نحو العاهرة)
العاهرة:  كل الرجال قوادون وكل النساء عاهرات...وانا الوحيد انسان...(يسقط
            المجهول...يتجه مربوط ويقف علي مجهول ويصرخ)
مربوط:  محتال عليك يا زمن في دنيا عجيبة..حرقت نفسي وقتلت جوايا طيبة..
            سألوني ليه عملت كدة وليه هذي الطريقة..قلتلهم ما هو ده حال البشر منذ
            بدء الخليقة...عذااااب.

-4-
رومانسية: (في نحيب) احنا صايعين ضايعين تايهين...في جراب الحاوي عشنا
               سنين...مشينا في كل طريق وفي اخره لقينا طريقين
رجل الاقاليم:انا اسكندراني من بحري..بس لا صياد ولا حاجة...عاطل علي القهوة
                طول النهار...لا الليل...النهار ببقي نايم...علاقتي بالبحر اني هايج زيه .
مجهول: دبحوا ولدي وسط التراب...الواد صغير كان بيفرفر مرحمهوش الكلاب.....
           ..الناس كلها كانت بتتفرج...ومات ولدي مات ابني. (يضع رجل الاقاليم يده
             علي اذنة بينما يصرخ الجميع)
رجل الاقاليم: كداب...متصدقهوش(يضربونه....يصرخ...يسقط)خلال الرقاد...خلال
                 التمدد طلبا للراحة...يرحل الذهن..اااه(يقوم)...حارة الوطاويط..اخرسوا
                 .. يا ولاد الكلب....(صمت...يسقط)لازلت حيا...ماحموتش...قبري في
                 ارضي..خدوني للبحر
الرابط:   قووووم....مفيش حد بيموت هنا
رجل الاقاليم:ليه هو احنا فين(يضحكون ثم ينظرون لبعضهم مكتشفين عدم معرفتهم
                 بالمكان  يتقدم المجهول ويسند المربوط والرومانسية رجل الاقاليم بينما
                 يسقط المجهول علي ركبتيه)
المجهول: احنا ....تحت المطرقة
العاهرة: انه المهاتما غاندي...سمعتم عنه قبل كدة...اللي عايز يمد ايده يديني 2000
           جنية
الرابط:  كل شئ علي المنديل الابيض الكبير...كان ابيض..ثوبها الشفاف ايضا كان
          ابيض..نهدها المطل..ابيض...بشرتها كلها بيضاء......وكانت دهشتي ايضا
           بيضاء..وخطيئتي سوداء....كحل يامة.
رومانسية:يا قليل الادب يا صايع...انت ماتربتش
الرابط:  انت عزراء...وتايهه تزومي وسط الفراخ والقمر يطلع ينزل يموت..خلفاوي
          يا روح امك.
مربوط: انا مسمحلكش تكلمها بالطريقة دي
الرابط: انت اتجننت ...انا حربطك المرة دي ومالكش فكة                                                    (لا يفلح في ربطة فيتجة نحو رجل الاقاليم والمجهول محاولا التعدي عليهم فيفشل)
عاهرة:انا حقلع ملط...والبس خاتم...هههه....لا لاحعمل زي زمان واغطي عورتي
        بورقة ملوخية...هههه
-5-
رومانسية:   بابا...بابا...با...يعيني ايه لله بالافريقي(للا شئ)
رجل الاقاليم:رموني في القدر غايب حجتي مقتول
مربوط:      نقضي الليلة كدة...سندسي علي حمصي والصباح رباح.
عاهرة:    صباح ايه...القمر عمره ما حينزل
مربوط:    بصيت للقمر شوفت حبيبتي فيه.....هو بعيد....وهي بعيد وفي يوم حيجي
              سحاب يغطية
مجهول: الافكار لا تتجسد...الحمقي فقط يرونها...بتتفهم يا هبل.
مربوط:  الابتسامة قتلها الالم وبقيت عايش ببحث عن العدم....والخوف مع عقارب
            الساعة انكسر
رجل الاقاليم:في داري عشت سنين...انبارح مات وبكره مات...مافي امل بس اليأس
                معرفش لقلبي طريق...وشاخت جلودنا رغم اننا لسة مولودين.
                 (العاهرة تصفع الرومانسية علي وجهها وتتجه لترقص مع الرابط
                  والمجهول رقصة  ذات ايحاءات جنسية)                                       
العاهرة:     شرفك باللي في جيبك مش حتة الجلدة يا هابلة...(تنظر الي الرابط)مين
               امك  يا حبيبي
الرابط:       ماما انتي...لا ماما مصر
رجل الاقاليم:الوليه دي بقيت شبهة...حطو عليها شريطة سودا وعلقوها
رومانسية: ماحدش حيلمسها....اصل انا مرة حلمت اني صحيت لقيت نفسي لوحدي
              قعدت اعيط..حسيت اني بحب الناس اوي...قعدت مكاني وقلعت عريانة
              وقعدت اصرخ لغاية ما صوتي اتنبح...صحيت مغرقة فرشتي....ومش
               حاخليكو تبلوها يا ولاد الكلب.
رجل الاقاليم:انتم لو كنتم بتحبو الي خلقكم زي الستات....كنتم عشتم في الجنة
عاهرة: مغلولة...الحرب علي كلب الجحيم...(الرومانسية والعاهرة يتجهان للمجهول)
مجهول:لقد ماتت الالهه ولكنكم مازلتم عبيدا...فهنا يكون السؤال ..هل خلقنا الله ولا
          احنا اللي خلقناه
مربوط:يا طيبين قلبكم...يا فراعنة اصحوا اهرامتكم اتقلبت.
الرابط:الكلب بتاعي لابس نضارة
مربوط:ليه
الرابط:لان عمره ما حب اللنسز
-6-
مربوط:بدأت اضحك بدل ما اعيط وكان الضحك متعب جدا
مجهول:مهما اشتد الظلم وزرعو الخوف...لن اتوقف ابدا فانا الخوف
عاهرة:اففف...المكان ريحتة معفنه خالص
رومانسية:متنضفي نفسك الاول وبعدين تتكلمي
عاهرة:الصابون بيوسخ يا حجة...ولا انت مبتقريش جرايد
رجل الاقاليم:لما ابوتريكه بيجيب جون البلد كلها بتهلل..وانا لما خدت نوبل ماحدش
                 عرفني....انا مش زويل....انا....ده انا حتي مش عارفني
مربوط:رقموني...رقمونـــــــــــي
رومانسية:بحبك....بحبك...بعشقك....بدوب في هواك
عاهرة:تعالي يا حبيبي                                                               
رومانسية:ايوه انت
مربوط:بجد
مجهول:كملر السفاح ...مات علي كرسي اديســــــون
رومانسية:حبيبي علي نياته كل البنات اخواته
الرابط:اجي فين
عاهرة:تعالي معايا نعيشلنا كده كده كام يوم
الرابط:حقطعك
عاهرة:ما احلي التقطيع
رجل الاقاليم:الزمن يتباطئ عند الثقب الاسود...كل شئ يختفي عندما يقترب
                منه...فهل يكون هذا المارد بوابه الي عالم اخر ام ان عالمنا هو ثقب
                 اسود كبير
مربوط:خــــــــــــــــايف
مجهول:درب التبانة.....اللا نهائية وما بعدها
الرابط:no women no cry
رومانسية:بطمنك حبيبي من اولها
الرابط: (الي العاهرة) انا في حاجة كدة يعني....بصراحة
عاهرة:بتحبني
الرابط:سريري عايزك هيه ليلة وسخة والسلام
عاهرة:يلا بينا
-7-
الجميع:الدنيا حلوة...الدنيا فرحة الدنيا هييييييه
مربوط:ومفيش شر خلاص...والحزن مات وبقينا عايشين في عالم بالاخلاص
مجهول:يبقي انت اكيد من عالم سمسم
رجل الاقاليم:خيالنا اتحرق وبقينا نرجع علي الورق
مربوط: (للرومانسية) انا في احساس وسواء اه او لا احنا صحاب
مجهول:يسخن من جوه لغاية ما يفرقع والدم يغطي ودانة
رومانسية:طبعا حنفضل صحاب...بس انا مبفكرش في الارتباط دلوقتي..ويا ريت
              متضايقش مني
رجل الاقاليم:جاذبيتة الكبيرة سحقته
مربوط:اااا..امال...انتي كنتي بتقولي بحبك من شوية لمين
رومانسية:لا ليك ولا لغيرك
مجهول:الثقب الاسود بلا شعر...الانهيار الانجذابي كل ما تكبر تموت
رجل الاقاليم:اعرف اني استطيع فعلها....هذا ما قاله وهو يعد لنفسه طعاما
                 طازجا(اثناء ذلك يدور الجميع حول المربوط)انا متأكد انه بمرور
                 الوقت كل جزء منها سيكون قد اختفي وان موتها سيصبح لغزا...حتي
                 بالنسبة لي
الجميع:لا ليك ولا لغيرك...لا ليك ولا لغيرك
مربوط:باكو شيكولاتة احسن من حبك
الرابط:انت بتاكل الفول بقالك 30 سنة بنفس الطريقة
مربوط:حبيبتي ولا نفسي ولا مين....رايح فين وجاي منين..ايا قلبي الاعمي اتموت
         من جنوني ام ان غذائك غير موجود في هذا العالم....اي زمن هذا
مجهول:هالة من الكذب...اصدق من شيطان..جريمتها انها ولدت...رعدا سأقصف بها
رجل الاقاليم: فلماذا فعلت هذا اسئلوها ولا تحدثوني....سأنتقم من اجل الخدعة...لم
                اشعر بشئ هي شعرت...لم ابدأ بشئ...هي بدأت
عاهرة:كل حاجة بتتهز عشانة .....البغيض اقتلوه
رجل الاقاليم:انا فلاح غلبان...عرفت اني لازم اكسر بيض عشان اعمل عجة...ولازم
                 ادبح بقرة عشان اكل لحمة...قعدت في الصف الاولاني ...كسرت
                 بيضتين...بس نسيت اعمل عجة
رومانسية:فكوا القيود فانا لم اموت...فكوها....فكوها
-8-
الرابط:متقولش علي امي رقاصة
عاهرة:اقتلو البغيض....اقتلوه اقتلوه... ابوها كان كافر وامها رقاصة ومع كدة ماتت
          شهيدة
مربوط:هذا لم يعد منزلي الجميل...وهذه لم تعد زوجتي الجميلة...وده مش جسمي..ده
          مش جسمي.......ااااااااااه...شعري بيطلع لجوه ومع انه شوك معورنيش
مجهول:طموح المرايا..طريق المرايا..فار المرايا...بينا واحد مجنون
رجل الاقاليم:انا هندي احمر....انا هندي اخضر...انا هندي اصفر....دبااااان
                (الجميع يهشون الذباب ماعدا رجل الاقاليم) اديسون حارب تسلا ولولاه
                 الكهربا كانت ارخص منا
رومانسية:تقبل منه بدل الغدر غرام وتحبه وتعيش معاه احلي الايام
عاهرة:التدخين مضر..مش مشكله حدخن حدخن كتيرحروح اشتري علبة سجاير...لا
          قروصة وحشربها كلها لوحدي
الرابط:اخذت ازوم كالكلب المسعور عندما تيقنت انها لا تحبني..هل كانت خدعة
مربوط:هل كانت لعبة
الرابط:ام ان اوهامي الدنيئة اعتصرت احلامي ....انا مهلهل
مربوط:انا ممزق
رومانسية:انا...قعد علي جنب....خفففففففه....سهتاااااانه
مجهول:انا اعجب مخلوق اتخلق انا مش ديناصور ولا كوم ورق انا مصري عاش
          في عصر جمال وحسني من غير قلق
رجل الاقاليم:اكون او اهد الكون
العاهرة:هده عشان مش تكون طول ماحنا موجودين
رجل الاقاليم:الخطأ مني...تصويبه عليا...اتنين كازوزا علي حساب المعلم
رومانسية: أجمل شئ انه بيرجعلك ويرجع الايام ويفضفضلك ويعوضلك قدالبعدهيام
              قد الغدرغرام ويعودلك ندمان..بحبك بس خايفة
مربوط:كان نفسي نبقي مع بعض
العاهرة: ما تفوقو بقي ده عايز يهد الكون
مجهول: هما فاكرين ان هما بيعملوا اللى هما عاوزينه..لكن فى الحقيقة هما بيعملوا
          اللى انا عاوزه

-9-
رجل الاقاليم:الم في الرأس يداعبني وغضب حانق يدغدغني ان اسخر منكم الحمقي
                 وجباه الشيطان واصابع الموز وكرات الحب السوداء
الرابط: الطريق الي مش شايفة بمشي فيه لان الطرق الي شايفها سوداء وغامقة كتير
         لون احمق ودموع  تنادي ان اظهر
رجل الاقاليم:سيبني لوحدي
مجهول:انت لوحدك
الجميع:نعم....لا....نعم....لا
رجل الاقاليم: انا اتذكر اسمي لا  يجب ان ان اموت اااااه اني اتألم
الجميع:حواجب رموش المرايا.....قنفد طويل غريب الملامح...وداير يدور علي فجر
          الطريق
رجل الاقاليم:ااااااااااااااااه......لا يجب ان اموت....(يستجمع قواه وينتفض فيسقط الجميع ما عدا المجهول الذي يترنح) احنا فين
مجهول: (يسقط علي ركبتيه) احنا...تحت المطرقة
رجل الاقاليم:ايه اللي خلانا تحتها
مجهول: اصل ....اصل احنا...معرفناش نبقي فوقيها
رجل الاقاليم:انا مش شايف المطرقة
مجهول:عشان احنا كنا فيها
رجل الاقاليم: (ينظر حوله فيجد الجميع ساقطون) انت قتلتهم
مجهول:لا انت اللي قتلتهم
رجل الاقاليم: (يترك المجهول فيسقط ثم يدور ويقف)اصحوا..اصحوا(يقفون فيسقط المجهول ويسقط رجل الاقاليم)
الرابط: كل شئ علي المنديل الابيض الكبير...كان ابيض..ثوبها الشفاف ايضا كان
          ابيض..نهدها المطل..ابيض...بشرتها كلها بيضاء......وكانت دهشتي ايضا
           بيضاء
العاهرة: وانا صغيرة   بابا كان بيحميني..كنت كل مرة بعيط.....لما كبرت الناس
           كلهم بقو يغتصبوني...فتحت مخي وبقيت فله...ومغايه غله
المربوط: محتال عليك يا زمن في دنيا عجيبة..حرقت نفسي وقتلت جوايا طيبة..
            سألوني ليه عملت كدة وليه هذي الطريقة..قلتلهم ما هو ده حال البشر منذ
            بدء الخليقة.
-10-
الرومانسية: (في فرح) احنا صايعين ضايعين تايهين...في جراب الحاوي عشنا
               سنين...مشينا في كل طريق وفي اخره لقينا طريقين
مجهول: امل (يسقط الجميع)ههههه...وسقط الجميع يبدو انني انتصرت
رجل الاقاليم: (يقف ثم يتحرك نحو المجهول ويجلس علي ظهرة) وهكذا بقيت وحيدا
                 الصمت والاسئلة....والاجابات.....و9 الوان....رقم بلا معني مثل حياة
                 الكثيرين................(يقوم ويجر مجهول) اسخر من نفسك وادعي انك
                  مدعي..ادعي انك سيد القرار...ادعي انك من يختار......في تلك الظلمة
                 هل يوجد ازهار(ويخرج به من الكواليس)


النــــــــــــــــــهاية

تمت بحمد الله
2\12\2008
جميع الحقوق محفوظة للمؤلف*
0111153030

يوسف عبدالرحمن